გიორგი სვანაძე კლიენტებს რჩევებს აძლევს ზოგად საკოპორაციო საკითხებზე, ადგილობრივი და ტრანს სასაზღვრო კომპანიების გარიგებების სტრუქტურირებაზე. ბატონი სვანაძე ასევე სპეციალიზირებულია საერთაშორისო კომერციული და საინვესტიციო კონტრაქტების შემუშავებაში, სამართლებრივი საკითხების შესწავლის პროცედურებში, კოლიზიურ სამართალში, კომერციულ არბიტრაჟსა და სასამართლო წარმომადგენლობაში, ლიცენზირების რეგულაციებში, კონკურენციის სამართალში, თავისუფალ ინდუსტრიულ ზონებში, საბანკო და საფინანსო გარიგებებში, შრომისა და დასაქმებისა და მიგრაციის საკითხებში.

გიორგი სვანაძე ატარებს სემინარებსა და ტრენინგებს ქართველი მოსამართლეებისთვის, ნოტარიუსებისთვის, ადვოკატებისთვის, საჯარო და კომერციული რეესტრებისთვის კერძო საერთაშორისო სამართლის, სახელშეკრულებო სამართლის, საერთაშორისო სავაჭრო და ბიზნეს სამართლის, კომპანიებისა და საკორპორაციო სამართლის, შრომისა და დასაქმების სამართლის საკითხებზე.

ანდერსენ ჯორჯიასა და ემ ჯი იურიდიული ოფისის გუნდის წევრობამდე, ბატონმა სვანაძემ მიიღო ფართო გამოცდილება Big 4 კომპანიებსა და სხვა საერთაშორისო აუდიტორული და იურიდიული ფირმების პრაქტიკის ხელმძღვანელობით. კერძოდ, ის იყო EY-ს იურიდიული პრაქტიკის ხელმძღვანელი თბილისში, საქართველოში. ის ხელმძღვანელობდა Deloitte-ის იურიდიულ პრაქტიკას, როგორც Deloitte Legal-ის უფროსი; ის ასევე იყო საქართველოში Rödl & Partner-ის უფროსი იურისტი და მისი კარიერის ადრეულ წლებში ის მუშაობდა საქართველოში მინერალური წყლის მწარმოებელი წამყვანი კომპანიის იურისტად. მას ასევე მიღებული აქვს პროფესიული გამოცდილება გერმანიაში ჰამბურგსა და ბერლინში საერთაშორისო იურიდიულ ფირმებში მუშაობისას.